منتديات ليل الأصدقاء
أهلاًَ وسهلاً بك أخي الزائر في رحاب منتديات ليل الأصدقاء
أسرتنا تتقدم بأجمل التحيات لك ... ومنك ننطلق
وجودك بيننا يسعدنا ويسمو بينا إلى قمم الرقي والجمال
.....................................................................
لك منّا أطيب الأمنيات بقضاء أمتع الأوقات معنا
والإستفادة من كل الطروح المقدمة بين يديك

وإذا لم تكن ضمن لائحة الأخوة والأصدقاء
ما عليك سوى النقر على زر التسجيل
ثم إضافة بياناتك الشخصية
وتسجيل الدخول إلى عالمنا الراقي

نفتخر بوجودك معنا ... ونرحب بك بيننا
...... أسرة المنتدى ......


بسم الله الرحمن الرحيم
 
الرئيسيةس .و .جالتسجيلدخول

شاطر | 
 

 هل نحن جيل فاشل ؟؟

اذهب الى الأسفل 
كاتب الموضوعرسالة
ستالين
عضو مؤسس vip
عضو مؤسس vip
avatar

الجنس : ذكر

المشاركات : 445


مُساهمةموضوع: هل نحن جيل فاشل ؟؟   7/1/2011, 9:23 pm



لسلام عليكم

»?? هل نحن جيل فاشل ؟؟??«


-------------------------


الكثير من أهالي هذه الأيام يعتبروننا جيل فاشل...

وانه الزمان تغير وليس مثل ما كان عليه..

وأننا لا نقدر على تحمل أي مسؤولية..

وأنه زمن الاتكال على الغير..

تسمعهم يتحسرون على ايامهم الماضية..

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟

وهل يخلو عصرنا من كل شيء جميل لهذه الدرجة التي يرونها ؟؟؟



اريد ان اسمع ارائكم بعقلانيه دون تعصب لزماننا

هل فعلا نحن جيل فاشــــــــــل ؟

الرجوع الى أعلى الصفحة اذهب الى الأسفل
ŠiHāM
عضو مؤسس vip
عضو مؤسس vip
avatar

الجنس : انثى

المشاركات : 1343


مُساهمةموضوع: رد: هل نحن جيل فاشل ؟؟   7/1/2011, 9:33 pm


ما بعرف والله يمكن نكون هيك وممكن يبالغو
هههههههههههههههههههههههههههههه
سامحني ما بعرف ههههههههههههه
شكرا كثير أخي على هذا الموضوع الممتاز
تقبل مروري:o

الرجوع الى أعلى الصفحة اذهب الى الأسفل
ستالين
عضو مؤسس vip
عضو مؤسس vip
avatar

الجنس : ذكر

المشاركات : 445


مُساهمةموضوع: رد: هل نحن جيل فاشل ؟؟   7/1/2011, 11:31 pm



مرورك نور الموضوع ....

أهلا وسهلا فيك ....

بس كنت بتمنى منك رأي صريح ....


شكرا جزيلا....

الرجوع الى أعلى الصفحة اذهب الى الأسفل
ŠiHāM
عضو مؤسس vip
عضو مؤسس vip
avatar

الجنس : انثى

المشاركات : 1343


مُساهمةموضوع: رد: هل نحن جيل فاشل ؟؟   8/1/2011, 4:43 am


يا اخي ...
ركز معي ماشي ...
بهاذ الحيات يعني بهاد الجيل
فيه مشاغبين ما بدهم يدرسو
بس بيكتفو أنهم يمارسو مظاهر styl
هاذول الفئة جيل فاشل
بس بنفس اللحظة فيه مبدعين ومفكرين
بينظمو لفئة جيل متقدم
لهيك هاذ السؤال غالط
يعني بالذنيا فيه فاشل وفيه الناجح
وهاذ هو رأيي الصريح

:o

الرجوع الى أعلى الصفحة اذهب الى الأسفل
loly angel
عضو الماسي
عضو الماسي
avatar

الجنس : انثى

المشاركات : 4845


مُساهمةموضوع: رد: هل نحن جيل فاشل ؟؟   9/1/2011, 7:41 am




والله ياخيي

ان جيت للصراحة

جيلنا مو جيل فاشل

بس في قسم كبير من هالجيل

اهاليه هنن يلي خلوه يكون اسمو جيل فاشل

يعني متل الجيل يلي لاحئ الصرعات والموضة

ولانترنت واللعب ومافي هم يشغلو غير هالقصص

وماعندو استعداد يحمل مسؤولية
سواء رجال او نساء

او شباب او صبايا فكلو بينفد على بعضو
يعني كلو بنفس المكان

اما القسم التاني من الجيل الحاضر

فهوي عالأقل طبعا جيل متفهم

يعني مافيك تقول او تحكم على الجيل بحد ذاتو

قبل ماتحكم على الطريق يلي خلا هاد الجيل يكون فاشل او لا

هاد بيبقى وجهة نظري

بعتذر لإطالة الرد
تقبل صراحتي
الرجوع الى أعلى الصفحة اذهب الى الأسفل
http://jzwat7p.yoo7.com
ستالين
عضو مؤسس vip
عضو مؤسس vip
avatar

الجنس : ذكر

المشاركات : 445


مُساهمةموضوع: رد: هل نحن جيل فاشل ؟؟   17/1/2011, 5:05 am


مرورك نور الموضوع أختي ...

كلام صحيح ....

ومتل ما بيقول المثل ( كل ديرة وبيها كفايتها )

أو ان خليت خربت .....


نورتي الموضوع ......




الرجوع الى أعلى الصفحة اذهب الى الأسفل
ABO ADM
المدير العام للمنتدى
المدير العام للمنتدى
avatar

الجنس : ذكر

المشاركات : 2184


مُساهمةموضوع: رد: هل نحن جيل فاشل ؟؟   11/2/2011, 2:30 am

السلام عليكم ورحمة الله
سؤال كتير جريء وحساس ويحتاج لصراحة جدا كبيرة
النقطة الأولى : أثبت العلم إنو الخمس السنوات الأولى من حياة كل مولود هي أساس حياته كلها
وهالشي بيكون مسؤولية الأهل (الأب الأم الأخوة الكبار إن كانوا موجودين )
يعني هون ما بيكون في عقل للطفل لحتى يعرف صح أو غلط
إذا النقطة الأولى هي كيف الأهل يربوا أولادهم وإذا طلع الولد فاشل فهالشي سبب الترباية العوجاء
النقطة التانية : قال سيدنا علي بن أبي طالب رضي الله عنه :
ربوا أولادكم لزمان غير زمانكم
ولما الأهل بيربوا أولادهم .الله أعلم بأي زمان. ووقت يطلعوا فاشلين بيحطوا الحق عالأولاد ويتناسوا كيف ربوا بالأساس وشو زرعوا
وكمان النقطة التانية هي عدم انتباه الأهل وعدم اهتمامهم
هي الرد بشكل مختصر طبعا
وشكرا إلك
الرجوع الى أعلى الصفحة اذهب الى الأسفل
ستالين
عضو مؤسس vip
عضو مؤسس vip
avatar

الجنس : ذكر

المشاركات : 445


مُساهمةموضوع: رد: هل نحن جيل فاشل ؟؟   11/2/2011, 7:34 pm



اهلا وسهلا فيك نورتنا بعد غياب ....
بحترم رأيك .....

شكرا لمرورك العطر ...

الرجوع الى أعلى الصفحة اذهب الى الأسفل
ملك الحب
عضو جديد
عضو جديد


الجنس : ذكر

المشاركات : 24


مُساهمةموضوع: رد: هل نحن جيل فاشل ؟؟   4/10/2011, 5:49 am

فاشل وبجدارة ...
الرجوع الى أعلى الصفحة اذهب الى الأسفل
وســــام
المدير العام للمنتدى
المدير العام للمنتدى
avatar

الجنس : ذكر

المشاركات : 8239


مُساهمةموضوع: رد: هل نحن جيل فاشل ؟؟   4/10/2011, 3:54 pm


مشكور لمرورك الطيب اخي ملك الحب
وبعد الشكر لإنضمامك لأسرتنا الغالية
بس أكيد في شي ناقص بردك
لأنو لازم تناقش وجهة نظرك قدام الكل
وتثبت انو كلامك صح

بشكرك كتير لتواجدك اخي الكريم
الرجوع الى أعلى الصفحة اذهب الى الأسفل
https://www.facebook.com/samo.nawara
ملك الحب
عضو جديد
عضو جديد


الجنس : ذكر

المشاركات : 24


مُساهمةموضوع: رد: هل نحن جيل فاشل ؟؟   5/10/2011, 4:59 am

عزيزي ستالين ...

لما حدا ينعتنا بكلمة جيل فاشل فأكيد هالشي مو تبلي ولا اجا من سراب , لما تتطلع على جيلهم بتلاقي أديش احرزوا تقدم من الناحية الدينية والاجتماعية , صحيح أن لنا حصة التقدم والتطور وهشنا في عصر السرعة ولكن مع أشد أسفي ما عم نواكبها بالشكل الصحيح والكل بدو مصلحتو وبيستخدم ادوات العصر كاملة لأجل منافعه الشخصية . وهدا اسمو فساد , طبعا كان في فساد قبل من الخمسينات والستينات ولكنه مستتر , لكن طلع هلأ كيف الفساد منتشر متل السوس وعلى عينك يا تاجر بدون خوف ولا رادع ولا مراقبة وحساب .
ومن ناحية تانية بتشوف عدم الاحترام وقلة الأدب والسفاكة بالتعامل مع كبار السن وتجاهل رأي الأهل وعدم الإلتزام بالعادات الحسنة والدين والتعليم وهدا اللي منتشر بجيلنا الحالي وأبسط شي هو أن نوصف بالفاشلين
( إن الله لا يغير ما بقوم حتى يغيروا ما بأنفسهم )

وطبعا للفشل أسباب كتير بذكرلك بعضها وتارك لفطنتك الباقي ..
التكنلوجيا والتطور السريع والانتشار الهائل للإعلام والمنتجات الغربية المنافية لكل الاعراف والتقاليد والأديان والي سحبت عقول شبابنا وبناتنا وراها , ولما حدا المسنين يشوف الصبايا عم يتمشوا عالكورنيش وهي اللي حاملة بإيدها جوال ولابسة شي يادوب يغطي نص جسدا وحاطة شي سبعة كيلو ماكياج وماشية مشية خليعة , رح يقول وبحسرة ((الله يرحم أيام زمان)) , ولما يشوف الشب راكب سيارة آخر موديل والزمامير ما بتشتغل الا حوالي الصبايا والتشفيط والتفحيط متل المطر عند ساحات المدارس والسرعة فوق الـ 100 , أكيد رح يقول ((ياحيف على ذاك الزمان))

والإنفتاح الكبير لباقي الدول الغربية كمان سبب بفشل كتير من الشباب والشابات اللي ظنوا انو الحياة مجرد تطور وتقنية حديثة متجاهلين ماهيتها وراحوا يستغلوها بطريقة سيئة وخاطئة وأودت النتائج إلى نسيان تام لمعالم ديننا الإسلامي وصارت الكتير من الشغلات التافهة تشغلهم وتلهيهم عن أمور هامة وقيمة وبحجة : الجيل القديم جيل متخلف أما نحن فجيل الواحد والعشرين ...
إن كان جيلنا جيل تطور وحداثة فهذا الشي ما يبرر ابدا الوقوع بالخطأ لأنو نحن اللي منستخدم وسائل وأدوات العصر مو هي اللي بتستخدمنا
الانفتاح والتطور شغلة مطلوبة أكيد بس بما يتوافق مع ديننا وأخلاقنا ومبادئنا اللي تربينا ونشأنا عليها
نحن فعلا جيل الواحد والعشرين بس للأسف حتى الآن في عقول بحب سميها محدودة التفكير ما بتعرف تتعامل مع الانفتاح والتكنلوجيا بطريقة صحيحة وإيجابية تخدمها وتخدم المجتمع

وشوف المدارس يا عزيزي وما أدراك ما تخفيه المدارس (بجميع مستوياتها) , أهل أول كان عندن احترام شديد للمعلمين والمعلمات لدرجة الخوف أكثر من الأهل بس هلأ .... يا حسرة على هلأ , بتشوف وبتصيبك حيرة ومافينك تميز مين الأستاد ومين الطالب أو الطالبة , ع قد مافي قلة احترام وعدم إتزان وتميع أخلاقي , بتلاقي بمدارس الشباب همهم الوحيد كيف يطفشون الأساتذة ويتمسخروا عليون ولا الآنسات ذايقين الويل لدرجة التحرش !!
وبتلاقي مدارس الطالبات هي اللي بتفوت بملابش محتشمة عالمدرسة وبتطلع منها كأنها وحدة تانية طالعة من شي كازينو أو ملهى ليلي , لأ والصف عبارة عن صالة للأفراح والتزيين , عدى عن الإغراءات للأساتذة لحتى ياخدوا العلامات ببلاش ! , وبمجرد ما دخلت البنت من باب المدرسة انسى شي اسمو حجاب (معليش الاستاز متل بابا)
أما الجامعات يا صديقي فوا أسفاه ... هي وحدا إذا بدي احكي فيها بدي اربعين صفحة تانيات فما بدي احكي عنها .

بهالجيل هاد في شغلات جميلة ما بنكر , وجيل قبل كمان كان في شغلات جميلة ولكن الفرق بيننا وبينهم أننا لا نقدر قيمة الأشياء ولا الجمال ولا حتى الحب , أما هني بيقدروا الاشياء الجميلة ويدركون معانيها , رغم انو الجيل السابق لا يملك نصف ما نملكه الآن من أسباب الترفيه والتسليه وأصناف التنفيس من الملل ومع هيك بتلاقي الملل منتشر ...

الشبان بشكل عام نسوا الله فأنساهم أنفسهم فأين الولاء والسنة والبراءة , تفرج هلأ يا عمي كيف انتشرت الموضة انتشار النار بالهشيم والكل عم يقلد الغرب بدون ستر ولا حرج ولا خجل من البنطلون المتزحلق والتنورة اللي فوق الركبة بشبرين ونص والأغاني الرديئة والفيديوات الخليعة والبرامج التلفزيونية المخجلة والمحطات الإباحية والمواقع اللي ما بينذكر اسمها وتحيا شاكيرا ومايكل جاكسون ,,,

تعى على العدالة في الوظائف ما بتلاقي في هيك شي (بقصد العدالة طبعا)
قبل يا صاحبي كل واحد بياخد حسب مجهوده الشخصي , اليوم إذا ما عندك مصاري أو واسطة فـ تفضل ورجينا عرض كتافك ولا بقى تحاول وبالمختصر ............... انسى ..............

تعى على صلة الرحم ....
قبل بتلاقي العيلة ع طول مجتمعة وملتفين على بعض , هلأ مين اللي فاضي يزور أهلو أو حتى يفكر بوالدو ووالدتو شو ناقصهم ؟
قلوب الناس كانت بيضا وهلأ كل مين شايل بقلبو عالتاني ويختلس أول فرصة ليطيح بالناس ويصعد بنفسو ضارب كل تعاليم الإنسانية بأكبر وأعرض حيط !

قبل كان في بركة وخير بكل شي , المال والقيم والمبادئ كانوا محافظين على هوياتهم , وكل شي واضح وجلي , المنيح منيح والردي ردي , بعكس جيلنا اللي خلط الأمور ببعضها وصار الكذب والنفاق عنوان والغدر والخيانة شطرين متلازمين والسرقة وقلة الحياء أمرين أساسيين , وصار معيار تقييم الناس أموالهم وأشكالهم وألوانهم , ودخلت كتير اشياء للجيل مستهجنة من قبل الجيل الماضي لأنو ما بيعرفوها ولا بيوافقوها وهني الصح ونحنا الغلط ..

صدق من اطلق عليه عصر السرعة , هلأ ما تشعر بعدد الساعات اللي عم تمر
نحنا ناجحين بالأمور الإقتصادية بس فاشلين بالأمور الإنسانية والدينية والعلمية والحضارية والأخلاقية

جيلنا لم يستغل التطور والتقدم لصالح المجتمع والأمة ولكن استغله لتحطيم كل ما جاء بإسم الحب

في النهاية , ,,,
نحنا جيل نفتقد القدوة والمثل
الرجوع الى أعلى الصفحة اذهب الى الأسفل
وســــام
المدير العام للمنتدى
المدير العام للمنتدى
avatar

الجنس : ذكر

المشاركات : 8239


مُساهمةموضوع: رد: هل نحن جيل فاشل ؟؟   5/10/2011, 4:46 pm


كلامك صحيح ومقنع
يسلمو دياتك لردك الرائع
واللي فيه كلشي مطلوب

ونيابة عن اخونا ستالين بما انو هلأ هوي بالجيش وندعيلو الله يردو سالم يارب
بقلك مشكور لمرورك الطيب

لك ورودي ....
الرجوع الى أعلى الصفحة اذهب الى الأسفل
https://www.facebook.com/samo.nawara
 
هل نحن جيل فاشل ؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ليل الأصدقاء :: °`°؛¤ أسرة منتديات ليل الأصدقاء ¤؛°`° :: ¤ الحوارات العامـة والثقافيـة ¤-
انتقل الى: